Un espazo para a elaboración de conservas vexetais de horta e froita, cogomelos, zumes, marmeladas, mel, etc.

As pequenas explotacións e particulares da provincia poden procesar aquí as súas colleitas, xa sexa para autoconsumo ou para dárlle saída aos excedentes. Desta maneira contribúese a complementar as economías familiares e a xerar oportunidades de desenvolvemento no territorio.

Para entrar formar parte do proxecto hai que presentar unha solicitude, superar unha formación sobre sanidade alimentaria e manexo da maquinaria, cumprir co regulamento interno e tamén pagar a taxa definida para cada tipo de uso das instalacións. 

A Fusquenlla é unha iniciativa dos concellos de Cedeira, Cerdido, Moeche, Narón, As Pontes, San Sadurniño e Valdoviño con axuda do Programa Leader-Seitura 22, da Deputación da Coruña e da Consellaría do Medio Rural.