Formación
Empecemos a traballar
Formación técnica para persoas usuarias da fusquenlla
A Fusquenlla ofrece ao longo do ano cursos de capacitación técnica obrigatoria para aquelas persoas que queiran utilizar o centro, que non se limita unicamente á veciñanza dos catro concellos promotores e dos que acaban de sumarse ao proxecto, senón que está aberto a calquera persoa interesada.
Trátase de cursos de con contidos teóricos e prácticos que abordan principalmente a hixiene e manipulación de alimentos e as técnicas de conservación, ademais do manexo con seguridade de todo o equipamento co que contan as instalacións.
Xa se levan impartido varias accións formativas para usuarias e usuarios principais -ás que asistiron máis dun cento de persoas- que trataron os seguintes temas:
- Hixiene e manipulación de alimentos.
- Limpeza e desinfección do espazo de traballo.
- Prevención de riscos laborais específicos do sector.
- Manexo do equipamento e instalacións.
- Manexo de ferramentas informáticas para a produción de conservas.
- Trazabilidade. Documentación e cumprimento de normas.
- Elaboración de custos do uso das instalacións.
- Transformación de produtos hortofrutícolas.
non perdas a oportunidade, inscríbete!
Preinscríbete nos nosos cursos
Podes deixar os teus datos no seguinte formulario en liña. Tan pronto como se vaian convocando os cursos iráselles dándo entrada ás solicitudes recibidas.
Centro de Apoio ao Desenvolvemento Rural “A Fusquenlla” – Recinto Feiral de San Ramón S/N 15563 San Xoán, Moeche (A Coruña) – t. 981 404 006 – contacto@afusquenlla.gal
Sitio implementado por GNOMIO